काठमाडौं । नेकपा एकीकृत समाजवादीका अध्यक्ष माधवकुमार नेपालले आफुहरुले चाहे मुलुकको राजनीतिक कोर्ष परिवर्तन हुनसक्ने बताएका छन् ।

आज (शनिबार) सिन्धुलीमाडीमा एकीकृत समाजवादी सिन्धुलीको सातौं जिल्ला अधिवेशनको उद्घाटन गर्दै अध्यक्ष नेपालले आफूहरुले चाहेमा सरकार ढाल्न सक्ने चेतावनी दिएका हुन् ।

प्रतिनिधिसभा र राष्ट्रिय सभामा आफ्नो सिट संख्या जोड्दा चौथो शक्ति रहेको भन्दै संसदमा सिट संख्या कम भनेर आफूहरुलाई कम नआक्न पनि सत्ता गठबन्धनलाई चेतावनी दिए ।

नेकपा एमालेलाई लक्षित गर्दै अध्यक्ष नेपालले धेरै सिट हुनेहरुको सरकार प्रदेससभामा लगातर ढलेको भन्दै कटाक्ष समेत गरेका थिए ।

एकीकृत समाजवादी स्थापना भएको दुई वर्ष मात्र भएकाले आकार ठूलो जस्तो नदेखिए पनि देशभर संगठन फैलँदै गएको उनको जिकिर गरे ।