Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । कांग्रेस सभापति एवं पूर्वप्रधानमन्त्री शेरबहादुर देउवाका छोरा जयवीरसिंह अहिले एकाएक चर्चामा छन् । इन्स्टाग्राममा उनी र एक युवती औंठी साटेर रोमान्टिक मूडमा बसिरहेको तस्वीर सार्वजनिक भएसँगै चर्चा हुन थालेको हो ।
कभर सिंगर शिवाना श्रेष्ठ र जयवीरसिंहले औंठी साटेको तस्वीर शिवानीकी आमा प्रतिभा श्रेष्ठले इन्स्टाग्राम स्टोरीमार्फत सार्वजनिक गरेकी छन् ।
उनीहरूले गत जेठ १ गते काठमाडौंमा एक समारोहबीच इन्गेजमेन्ट गरेको बताइएको छ । यति बेला देउवाका छोरा जयवीरसँग इन्गेजमेन्ट गर्ने शिवाना को हुन् भन्ने सबैलाई खुलदुलीको विषय बनेको छ ।
शिवाना पूर्वपरराष्ट्र सचिव केदारभक्त श्रेष्ठकी नातिनी हुन् । केदारभक्त परराष्ट्र सचिवसँगै युरोपियन युनियन र अमेरिकाका लागि नेपाली राजदूत थिए ।
केदारभक्त परराष्ट्र सेवामा प्रवेश गरे पनि उनका दाइ इन्द्रभक्त उद्योगपति थिए । इन्द्रभक्तका छोरा रविभक्त नेपाल उद्योग वाणिज्य महासंघका पूर्वअध्यक्ष समेत हुन् । शिवाना केदारभक्तका छोरा सञ्जीवभक्त श्रेष्ठकी कान्छी छोरी हुन् । शिवाना सौन्दर्य सामग्री (ब्युटी(प्रडक्ट) को व्यापारमा छिन्।
शिवाना कभर गायक पनि हुन् । पारिवारिक स्रोतका अनुसार उनीहरूको जेठ १ गते काठमाडौंमा औंठी साटासाट भएको र बिहे माघमा गर्ने तयारी छ ।
© 2026 All right reserved to onlinenepal.com
Design & Developed By
