काठमाडौं । प्रधानमन्त्री पुष्पकमल दाहाल ‘प्रचण्ड’ले भारतसँग सीमा समस्या समाधानका लागि पहल गर्ने बताएका छन् ।

प्रतिनिधिसभामा जारी प्रश्नोत्तरका क्रममा रघुजी पन्तले प्रधानमन्त्री भारत भ्रमणबारे गरेको प्रश्नको जवाफ दिँदै उनले नेपालको एक इन्च पनि सीमा मिच्न नदिने बताएका हुन् ।

प्रधानमन्त्री प्रचण्डले नेपालको भूमि एक इच पनि मिच्ने नदिने र नेपालले अरुको भूमि पनि एक इच पनि नमिच्ने बताए ।

उनले भने, ‘ईपीजी रिपोर्टदेखि लिएर सीमा समस्यासँग सम्बन्धी विषयमा हामीले हाम्रो एक इन्च जमिन छाड्न सक्दैनौं । हामीलाई छिमेकीको एक इन्च जमिन पनि चाहिँदैन । नेपालका सबै राजनीति दल र सदन एकमत छौं ।’