काठमाडौं । राजधानीमा जारी सहिद स्मारक ‘ए’ डिभिजन लिग फुटबल अन्तर्गत आज बिहीबार तीन खेलहरु हुँदैछन् ।

लिगको दोस्रो लेग अन्तर्गत आज दुई दशरथ रंगशाला र एक खेल च्यासल मैदानमा हुनेछन् ।

च्यासल मैदानमा मनाङ मर्स्याङ्दी क्लब र संकटा क्लबबीच भिडन्त हुदै छ । यी दुई टोलीबीचको खेल दिउँसो ३ बजेदेखि सुरु हुनेछ ।

त्यस्तै दशरथ रंगशालामा फ्रेन्ड्स क्लब र मछिन्द्र फुटबल क्लबबीच खेल हुदैछ । फ्रेन्ड्स क्लब र मछिन्द्रबीचको खेल पनि सोही समयमा सुरु हुनेछ ।

दशरथ रंगशालामा हुने तेस्रो खेलमा न्युरोड टिम एनआरटी र जावलाखेल युथ क्लबबीच प्रतिस्पर्धा हुनेछ । दुई टोलीबीचको खेल साँझ ६ बजे सुरु हुनेछ ।