काठमाडौं । तारकेश्वर नगरपालिकाकोको जरंखुमा सवारी दुर्घटना हुँदा एक जनाको मृत्यु भएको छ भने १० जना घाइते भएका छन् ।

मृत्यु हुनेमा जोगन्द्र प्रसाद गुप्ता रहेका छन् । गम्भीर घाइते भएका उनको बसुन्धारास्थित ग्रिनसिटी अस्पतालमा मृत्यु भएको प्रहरीले जनाएको छ ।

बुधबार दिउँसो तारकेश्वर रुटमा चल्ने बसले मोटरसाइकललाई ठक्कर दिँदा दुर्घटना भएको हो । मोटरसाइकललाई ठक्कर दिएको बस रेलिङ भत्काएर शेषमती खोलामा खसेको थियो।

तीव्र गतिका कारण दुर्घटना हुँदा बसमा सवार १० जना सामान्य घाइते भएको प्रहरीले जनाएको छ।