काठमाडौं । सातदोबाटो युवा क्लबलाई हराउँदै चर्च ब्वाइज युनाइटेड शहीद स्मारक ए डिभिजन लिगको शीर्षस्थानमा फर्किएको छ ।

मङ्गलवार दशरथ रङ्गशालामा भएको खेलमा सातदोबाटो युथ क्लबलाई १–० गोलले हराउँदै चर्च ब्वाइज शीर्ष स्थानमा उक्लिएको हो ।

खेलको ६३औं मिनेटमा सुभाष गुरुङले गरेको गोल नै चर्च ब्वाइजका लागि निर्णयक बन्यो।

जितसँगै चर्च ब्वाइज १८ खेलमा ३३ अंक जोड्दै शीर्षस्थानमा उक्लिएको छ। सातदोबाटो २६ अंकसाथ सातौं स्थानमा यथावत छ।