काठमाडौं । प्रधानमन्त्री पुष्पकमल दाहाल ‘प्रचण्ड’ र सभामुख देवराज घिमिरेबीच मंगलबार प्रधानमन्त्री निवास बालुवाटारमा भेट भएको छ ।

भेटमा संसद् बैठक, नीति तथा कार्यक्रम र बजेटबारे छलफल भएको हो ।

भेटमा प्रधानमन्त्री प्रचण्डले संसदीय समितिहरूको बैठक सुरु भएकाले संसद्ले लय समातेको बताए। यसले संसद्‍मा विचाराधीन विधेयकहरू टुंगो लगाउन सजिलो हुने पनि प्रधानमन्त्री प्रचण्डको भनाई छ ।

प्रधानमन्त्रीले सभामुखलाई सरकारले जेठ ५ गते नीति तथा कार्यक्रम प्रस्तुत गर्ने पनि जानकारी गराएका थिए । सभामुख घिमिरेले भने सदन सञ्चालनका लागि सदन सञ्चालनका लागि सरकार र राजनीतिक दलका तर्फबाट प्राप्त सहयोगका लागि धन्यवाद दिएका थिए ।