काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा आईतबादेखि १८ औं चरणका खेल सुरु हुँदैछ । लिग अन्तर्गत आज दुई खेल हुँदैछन् ।

ललितपुरस्थित च्यासलस्थित खेल मैदानमा खेलमा जावालाखेल युथ क्लब र मनाङ मर्स्याङदी क्लबबीच प्रतिस्पर्धा हुने छ ।

यी दुई टोलीबीचको खेल दिउँसो ३ बजे सुरु हुनेछ । जावलाखेल ३० अंक सहित शीर्ष स्थानमा छ भने मनाङ २१ अंक सहित आठौं स्थानमा छ ।

त्यस्तै सोही समयम एन्फा कम्लेक्समा सुरू हुने खेलमा न्युरोड टिम (एनआरटी) र फ्रेन्डस क्लब एक आपसमा भिडनेछन् ।

एनआरटी २१ अंक सहित तालिकाको नवौं स्थानमा छ भने फ्रेन्ड्स १९ अंक सहित तालिकाको पुछारदेखि दोस्रो स्थानमा छ ।