उदयपुर । उदयपुरमा सदावहार सामुदायिक वन उपभोक्ता समूहका अध्यक्ष पक्राउ परेका छन् ।

जिल्लाको कटारी नगरपालिका – ३ स्थित उक्त वन उपभोक्ता समूहका अध्यक्ष बद्रि घिमिरे पक्राउ परेका हुन् ।

उनले वन कार्यालयको अनुमति नलिई अवैध रुपमा रुख काटेको आरोपमा पक्राउ लागेको छ । अवैध रुपमा रुख कटान गरेर उपभोक्तालाई वितरण गरेको आरोपमा अध्यक्षघिमिरेलाई पक्राउ गरिएको डिभिजन वन कार्यालय त्रिवेणी कटारीले जनाएको छ ।

अवैध रुपमा रुख कटान गरी काठ बराद गर्ने क्रममा अध्यक्ष घिमिरेलाई पक्राउ गरिएको बताइएको छ । सदावहार वन क्षेत्रबाट एकै पटक ४८ वटा रुख काटिएको बताइएको छ । पक्राउ परेका घिमिरेमाथि थप अनुसन्धान भइरहेको डिभिजन वन कार्यालयले जनाएको छ ।