काठमाडौं । प्रधान सेनापती प्रभुराम शर्मा र नेपालका लागि इजरायलका राजदूत हनान गोडेर गोल्डबर्जरबीच भेटवार्ता भएको छ ।

उनीहरूबीच बिहीबार दिउँसो सेनाको मुख्यालय जंगीअड्डामा भेटवार्ता भएको हो ।

उक्त भेटघाटमा दुई पक्षीय हित तथा पारस्परिक सम्बन्धका विषयमा छलफल भएको बताइएको छ ।

भेटघाटले दुई देशबीच रहिआएको सम्बन्ध थप सुमधुर एवं प्रगाढ बनाउन मद्दत पुग्ने विश्‍वास नेपाली सेनाले लिएको छ।