काठमाडौं । प्रतिनिधिसभाको बैठक १५ मिनेटका लागि स्थगित भएको छ ।
बुधबारको बैठक शुरु हुनासाथ राष्ट्रिय प्रजातन्त्र पार्टीले अवरोध सिर्जना गरेपछि सभामुख देवराज घिमिरले बैठक स्थगित गरेका हुन् ।
नयाँबानेश्वरस्थित संघीय संसद भवनमा जारी बैठकमा राप्रपाका सांसदहरुले आकस्मिक समयमा बोल्न पाउनुपर्ने माग राख्दै विरोध जनाएका हुन् ।
राप्रपा दलका नेता राजेन्द्र लिङ्देनसहितले उभिएर आकस्मिक समय मागेका थिए ।