एजेन्सी । पाकिस्तानका पूर्वप्रधानमन्त्री इमरान खान पक्राउ परेसँगै प्रदर्शन चर्किएको छ ।

खानको गिरफ्तारीको विरोधमा प्रदर्शन गरिरहेका पीटीआईका कार्यकर्ताहरूले रावलपिँडीस्थित सेनाको मुख्यालय बाहिर पुगेर तोडफोड गरेका हुन् ।

अदालत परिसरबाट खानलाई पक्राउ गरेपछि लाहोरको सडकमा पनि प्रदर्शनकारीहरु जम्मा भएर प्रदर्शन गरिरहेको बताइएको छ ।

त्यस्तै खानको घर अवस्थित जमान पार्कमा प्रहरी र प्रदर्शनकारी आमनेसामने हुँदा प्रदर्शनकारीलाई तितरबितर पार्न प्रहरीले अश्रुग्याँस र पानीको फोहोरा प्रयोग गरिरहेको छ । इस्लामावाद प्रहरीले खानलाई अदालत परिसरबाटै आज पक्राउ गरेको थियो ।