काठमाडौं । नेपाल राष्ट्र बैंकका गभर्नर महाप्रसाद अधिकारीले हाल बैंकिङ प्रणालीमा तरलता अभाव नभएको बताएका छन् ।

आइतबार बैंक तथा वित्तीय संस्था परिसंघ (सीबीफीन) ले आयोजना गरेको ‘नेपाल बिजनेस समिट २०२३’ मा बोल्दै गभर्नर अधिकारीले सो कुरा बताएका हुन् ।

उनले बैंक तथा वित्तीय संस्थाको खराब कर्जा बढे पनि अन्य देशको तुलनामा निकै सहज अवस्था रहेको बताए । यस्तै गभर्नर अधिकारीले केन्द्रीय बैंकलाई क्षमताभन्दा ठूलो भारी बोकाउन नहुने बताए ।

राष्ट्र बैंकप्रति निकै धेरै अपेक्षा बढेकोले राष्ट्र बैंकलाई ठूलो भार बोकाउन नहुने उनको भनाई छ ।