काठमाडौं । ट्याक्सी व्यवसायीहरुले काठमाडौंको मैतीदेवीमा सडक अवरुद्ध गरेका छन् ।

पार्किङ क्षेत्र नभएको भन्दै व्यवसायीहरुले सडक अवरुद्ध गरेका हुन् ।

महानगरका विभिन्न क्षेत्रमा ट्याक्सी व्यवसायीहरु विरोध जनाउँदै आफैंले पार्किङ लेखेको स्ट्यान्ड राखेका छन् ।

ट्राफिक प्रहरीका अनुसार ट्याक्सी चालकहरुले राखेका स्ट्यान्ट हटाउन खोज्दा केही बेर तनाब सिर्जना भएको थियो ।

व्यवसायीहरुले माग पूरा नगरिदिए महानगर नै घेर्ने चेतावनी समेत दिएका छन् ।

एक घण्टा सडक अवरुद्ध गरेपछि व्यवसायीहरु वार्ताका लागि काठमाडौं महानगर पुगेका छन् ।