काठमाडौं । काठमाडौं उपत्यका अपराध अनुसन्धान कार्यालयले थाइल्याण्ड पठाइदिन्छु भन्दै ठगी गर्ने एक जनालाई पक्राउ गरेको छ ।

पक्राउ पर्नेमा चितवन बालुवा घर भइ काठमाडौंको टोखा बस्ने वर्ष ३१ को नन्दलाल महतो रहेका छन् ।

भीमबहादुर बुढालाई महतोले वैदेशिक रोजगारीको लागि थाइल्याण्ड पठाइदिन्छु भन्दै साढे ३ लाख रुपैयाँ ठगी गरेको प्रहरीले जनाएको छ ।

उनले थाइल्याण्ड जानका लागि साढे ३ लाख रुपैयाँ लाग्छ र थाइल्याण्डमा मासिक १ लाख भन्दा बढी तलव हुन् भन्ने प्रलोभन देखाइ बुढासँगबाट साढे ३ लाख रुपैयाँ ठगेर वेपत्ता भएको भन्दै वैदेशिक रोजगार विभागमा उजुरी परेको थियो ।

त्यही उजुरीका आधारमा पक्राउ परेका उनलाई थप अनुसन्धान तथा कारवाहीको लागि वैदेशिक रोजगार विभाग बुद्धनगर पठाएको प्रहरीले जनाएको छ ।