काठमाडौं । सेती प्रादेशिक अस्पताल धनगढीमा कोरोना भाइरस र डेंङ्गुबाट सङ्क्रमित एक जनाको ज्यान गएको छ ।

अस्पतालको ‘भेन्टिलेटर’मा उपचार गराईरहेका बैतडीका ३० वर्षीय युवकको गएराति मृत्यु भएको अस्पताल स्रोतले जनाएको छ ।

नशासम्बन्धी रोगको उपचार गराउन अस्पतालमा भर्ना गरिएका उनलाई यही वैशाख १७ गते कोरोना ‘पोजेटिभ’ देखिएको थियो ।

त्यसको लगत्तै दुई दिनपछि पुनःनमुना जाँच गराउँदा डेङ्गु समेत पुष्टि भएपछि उनलाई थप उपचारका लागि भेन्टिलेटरमा राखिएको थियो ।