काठमाडौं । संघीय निजामति कर्मचारी सेवा ऐन जारी गर्न माग गर्दै निजामति कर्मचारीहरुले सिंहदरबारमा धर्ना दिएका छन् ।

संगठनहरुले आन्दोलन नगर्ने भनेपनि कर्मचारीहरुले भने बिहीबार सिंहदरबारको दक्षिण गेटमा सांकेतिक धर्ना दिएका हुन्।

उनीहरुले २४ गतेसम्म पनि सरकारले आफूहरुका मागलाई चासो नदिए सिंहदरबारको काम ठप्प बनाउने र देशभर आन्दोलन अझै चर्काउने चेतावनी समेत दिएका छन् ।

सरकारले भने बिहिबार निजामती कर्मचारीका माग सम्बोधन गर्न उपप्रधानमन्त्री एवं रक्षामन्त्री पूर्णबहादुर खड्काको नेतृत्वमा वार्ता समिति गठन गरेको छ।