काठमाडौं । सरकारले सडक खाद्य वस्तु (स्ट्रिट फुड) प्रिन्टेड पेपरमा प्याक गर्न प्रतिबन्ध लगाउने भएको छ ।

खाद्य प्रविधि तथा गुण नियन्त्रण विभागले स्वास्थ्यका लागि खतरनाक असर पार्ने रसायनहरु पेपरमा हुने भएकाले प्रतिबन्ध लगाउने तयारी गरेको हो ।

मङ्गलवारदेखि काठमाडौंमा सुरु भएको खाद्य स्वच्छतासम्बन्धी प्रशिक्षण कार्यक्रममा बोल्दै विभागकी महानिर्देशक डा. मतिना जोशी वैद्यले त्यसको लागि कार्यविधि निर्माणको काम सुरु गरिएको बताईन् ।

खाद्य स्वच्छताका लागि स्ट्रिट फुड र तरकारी तथा फलफूल बजार अनुगमनको कामलाई अझै तीव्रता दिन लागिएको पनि विभागले जनाएको छ ।