काठमाडौं । लुम्बिनी प्रदेशका मुख्यमन्त्री डिल्लीबहादुर चौधरीले विश्वासको मत पाएका छन् ।

आज (मंगलबार) बसेको लुम्बिनी प्रदेशसभाको दसौँ बैठकबाट मुख्यमन्त्री चौधरीले विश्वासको मत पाएका हुन् ।

प्रदेशसभामा भएका १० दलमध्ये ८ दलका ५२ र एक स्वतन्त्र गरी ५३ जना सांसदले उनलाई विश्वासको मत दिएका हुन् ।

उनको प्रस्तावको विपक्षमा नेकपा एमालेका सांसदले मत दिएका छन् भने राप्रपाका सांसदहरु तटस्थ रहेका छन्।

चौधरी यही वैशाख १४ गते मुख्यमन्त्रीमा नियुक्त भएका थिए ।