काठमाडौं । एसीसी प्रिमियर कपको फाइनलमा यूएई ११७ रनमा सीमित भएको छ ।

ललित राजवंशीले १० रन बनाएका जुनैद सिद्धिकीलाई आफ्नो शिकार बनाएसँगै यूएईको इनिङ्स समाप्त भएको हो ।

मंगलबार कीर्तिपुरस्थित त्रिवि क्रिकेट मैदानमा जारी एसीसी प्रिमियर कपको फाइनल खेलमा टस हारेपछि ब्याटिङमा आएको यूएईले ३३.१ ओभरमा सबै विकेट गुमाएर ११७ रनमात्र बनाउन सक्यो ।

फाइनल खेल सोमबार सुरु भए पनि लगातार वर्षाका कारण खेल मंगलबारलाई सरेको थियो । सोमबार यूएईले २७.३ ओभरमा नौ विकेट गुमाएर १०६ रन बनाउदा वर्षा भएपछि खेल रोकिएको थियो ।

मंगलबार सोही अवस्थाबाट खेल सुरु भए पनि यूएईले स्कोरबोर्डमा ११ रनमात्र थप्न सक्यो ।