कैलाली । कैलालीमा नगद ४७ हजार २ सय रूपैयाँसहित १२ जना जुवाडे पक्राउ परेका छन् ।

जिल्लाको धनगढी उपमहानगरपालिका–२ बैयाबेहडीका ३२ वर्षीय भुपेन्द्र चौधरीको कुखुरा फर्ममा जुवातास खेलिरहेको अवस्थामा चौधरी समेत गरि १२ जनालाई आइतबार साँझ प्रहरीले पक्राउ गरेको हो ।

वडा प्रहरी कार्यालय धनगढीबाट खटिएको प्रहरी टोलीले उनीहरूलाई पक्राउ गरेको हो ।

उनीहरुको साथबाट नगद ४७ हजार २ सय रूपैयाँ र ५ थान ताससहित पनि बरामद गरिएको जिल्ला प्रहरी कार्यालय कैलालीले जनाएको छ । उनीहरुमाथि प्रहरीले अनुसन्धान थालेको छ ।