काठमाडौं । सहिद स्मारक ‘ए’ डिभिजन क्लब मनाङ मर्स्याङ्दी क्लबका मुख्य प्रशिक्षक किरण श्रेष्ठले पदबाट राजीनामा दिएका छन् ।

क्लबका अध्यक्ष विजय घलेले सोमबार सामाजिक संजाल फेसबुकबाट श्रेष्ठले प्रमुख प्रशिक्षकबाट व्यक्तिगत कारण देखाएर राजीनामा दिएको पुष्टि गरे ।

नयाँ प्रशिक्षक नियुक्तिका लागि सोमबार साँझ क्लबका पदाधिकारीबीच छलफल हुने बताईएको छ ।

मनाङ लिगमा अहिलेसम्म भएका १३ मध्ये ४ जित, ३ बराबरी र ६ हारको नतिजासहित अंकतालिकाको दशौं स्थानमा छ ।

‘ए’ डिभिजन लिग इतिहासमा सबैभन्दा धेरै ८ पल्ट लिग जितेको मनाङको खराब लय नै पशिक्षक राजीनामाको मुख्य कारण रहेको देखिन्छ।