काठमाडौं । काठमाडौंमा जारी एसीसी प्रिमियर कप क्रिकेट प्रतियोगिताको तेस्रो स्थानको लागि भइरहेको ओमान र कुवेतबीचको खेल पानी परेपछि रोकिएको छ ।

प्रतियोगिताको नियमअनुसार आईसीसी वरीयतामा अगाडि रहेको टिम ओमान आगामी जुलाईमा हुने एसिसी इमर्जिङ टिम्स एसिया कपको लागि छनोट भएको छ ।

मैदान सुक्न समय भएपछि सुपर ओभर गर्न पनि नमिलेकाले समूह चरणमा गरेको प्रर्दशनका आधारमा ओमान तेस्रो घोषित भएको हो ।

कुवेतले दिएको १३१ रनको सामान्य चुनौती पछ्याउँदै ब्याटिङ गरेको ओमानले विना विकेट ६ ओभरको समाप्तिमा ४१ रन बनाउँदा पानी परेपछि खेल रोकिएको थियो ।

नेपाल र यूएईले यसअघि नै जुलाइमा हुने यो प्रतियोगितामा स्थान सुरक्षित गरिसकेका छन्