मोरङ । मोरङमा करेन्ट लागेर बुधबार राति एकजना पुरुषको मृत्यु भएको छ ।

मोरङको कानेपोखरी गाउँपालिका–२ ओझा टोलमा करेन्ट लागेर ४० वर्षीय भुटाई केवरतको मृत्यु भएको हो ।

घरको कोठाभित्र विद्युत प्रवाह भइरहेको बिजुलीको नांगो तार मुखमा लगाउँदा केवरतको मृत्यु भएको प्रारम्भिक अनुसन्धानबाट खुलेको छ ।

करेन्ट लागेर आफ्नै घरभित्र राति ८:३० बजेतिर उनको मृत्यु भएको इलाका प्रहरी कार्यालय पथरीले जनाएको छ ।

शव पोस्टमार्टमका लागि उर्लाबारीको मंगलबारेस्थित मदन भण्डारी अस्पताल तथा ट्रमा सेन्टरमा लगिएको छ ।

सुस्त मनस्थितिका केवरतले बिजुलीको नांगो तार आफ्नो मुखभित्र लगाउनुको कारण खुल्न बाँकी रहेको इलाका प्रहरी कार्यालय पथरीले जनाएको छ ।