काठमाडौं । राजधानीमा जारी सहिद स्मारक ‘ए’  डिभिजन लिग फुटबलमा विभागीय टोली एपीएफ क्लबले जित निकालेको छ ।

सातदोबाटोस्थित एन्फा कम्प्लेक्समा सोमबार एपीएफले एफसी खुमलटारलाई २-० गोल अन्तरले पराजित गरेको हो ।

एपीएफको जितमा अबडोउ रमानी र अरमान बीडोउमले एक एक गोल गरेका थिए ।

जारी लिगमा एपीएफको यो पाँचौं जित हो । जितसँगै एपीएफले १२ खेलमा १७ अंक जोड्दै लिगको पाँचौँ स्थानमा उक्लिएको छ ।

खुमलटार भने १२ खेलमा १३ अंकका साथ लिगको ११ औँ स्थानमा छ ।