काठमाडौं । नेपाली कांग्रेसका सभापति शेरबहादुर देउवाले ठूला दलप्रति जनताले चासो नदेखाएको बताएका छन् ।

संसदीय दलको बैठकमा बोल्दै सभापति देउवाले ठूला दलप्रति नागरिकको भरोसा नदेखिएको भन्दै पार्टीलाई सुधार्नुको विकल्प नभएको बताएका हुन् ।

बैठकमा पार्टी सभापति देउवाले प्रतिनिधिसभा उपनिर्वाचनमा पनि ठूला राजनीतिक दलप्रति जनताले चासो नदेखाएको बताए ।

सभापति देउवाले बैठकमा आगामी वर्षको बजेट कसरी ल्याउने भन्नेबारेमा पनि सांसदहरूसँग चासो राखेका थिए ।

उनले ठूला पार्टीप्रति जनताको त्यति चासो नभएको देखिएको भन्दै पार्टीलाई सुधारेर जानुपर्ने आवश्यकता औंल्याए ।