काठमाडौं । एसीसी प्रिमियर कप अन्तर्गत ओमानले मलेसियालाई ८ विकेटले पराजित गर्दै सहत जीत निकालेको छ ।

आइतबार कीर्तिपुरस्थित त्रिवि क्रिकेट मैदानमा भएको खेलमा ओमानले मलेसियाविरुद्ध दोस्रो जीत निकालेको हो ।

२२८ रनको चुनौती पछ्याउँदै ब्याटिङ गरेको ओमानले ४१.४ ओभरमा दुई विकेटको क्षतिमा लक्ष्य भेटायो । ओमानका लागि जतिन्दर सिंहले १११ बलमा १३ चौका र एक छक्का प्रहार गर्दै अविजित १०१ रन बनाए ।

मलेसियाका लागि विरनदीप सिंहले सर्वाधिक ९४ रन बनाएका थिए । त्यस्तै, मुहमद सिहादतले ५५, मुहमद अमिरले २०, मुहमद वाफिकले १९, सिएद अजिजले १८ रनको योगदान गरेका थिए ।

यो जितसँगै ओमान समूह ‘ए’ को दोस्रो स्थानमा उक्लिएको छ । यता, मलेसियाको भने तीन खेलबाट दुई अंक छ ।