काठमाडौं । प्रधानमन्त्री तथा नेकपा माओवादीका अध्यक्ष पुष्पकमल दाहाल ‘प्रचण्ड’ ले सामूहिक नेतृत्वको पक्षमा रहेका कम्युनिस्टहरू नेकपातिर फर्कनुपर्ने बताएका छन् ।

आईतबार कम्युनिष्ट पार्टी स्थापना दिवसको अवसर पारेर नेकपा एसले आयोजना गरेको ‘नेपाली कम्युनिष्ट आन्दोलनः उपलब्धि चुनौती र सम्भावना’ विचार गोष्ठीमा बोल्दै उनले यस्तो बताएका हुन् ।

कम्युनिस्ट पार्टी एकता हुनु देश र जनताले खोजेको भन्दै गणतन्त्र मजबुत बनाउन एकता गरेर जानुको विकल्प नभएको उनले जिकिर गरे ।

प्रधानमन्त्री प्रचण्डले नेकपा गठनको औपचारिक प्रस्ताव आफूले गरेको स्मरण गर्दै राष्ट्र र जनताको आवश्यकता अनुसार कम्युनिष्ट आन्दोलनलाई एकताबद्ध गर्नुपर्ने जोड दिए ।

उनले केही दिनभित्रै समाजवादी मोर्चा घोषणा गरेर सबैलाई नेकपातिर फर्किने अपिल गर्ने समेत बताए ।