काठमाडौं । हिमालयन अन्तर्राष्ट्रिय अवार्ड -२०७९ मा सातजना सञ्चारकर्मी सम्मानित भएका छन् ।

विमेन्स एरा मिडिया ग्रुप नेपालले काठमाडौंमा शनिबार गरेको तेस्रो हिमालयन अन्तर्राष्ट्रिय अवार्ड- २०७९ कार्यक्रममा उनीहरुलाई सम्मान गरिएको हो ।

सञ्चारकर्मीहरु सुमन सापकोटा, हेम सुवेदी, सानुकाजी श्रेष्ठ, राजेन्द्र लुईंटेल, सूर्य चन्द, शिवराम भण्डारी र फोटो पत्रकार महम्मद जलिमलाई ‘गीत-संगीत कला पत्रकारिता सम्मान – २०७९’ बाट सम्मानित भएका हुन् ।

उनीहरुलाई परराष्ट्रमन्त्री एनपी साउदले दोसल्ला, माला र सम्मानपत्रबाट सम्मान गरेका हुन् ।

मनोरञ्जन पत्रकारितामार्फत सञ्चार क्षेत्रबाट देशको भाषा संस्कृति कलाको उत्थानका लागि आमपाठकसमक्ष समर्पित रहँदै आएको भन्दै उनीहरुलाई सम्मान गरिएको जनाईएको छ ।