काठमाडौं । एसीसी प्रिमियर कप अन्तर्गत मलेसियाले ओमानलाई २२८ रनको लक्ष्य दिएको छ ।

आइतबार मुलपानी क्रिकेट मैदानमा टस हारेर ब्याटिङ गरेको मलेसियाले ५० ओभरमा ९ विकेट गुमाउदै २२७ रनको योगफ तयार पारेको हो ।

मलेसियाका लागि विरनदीप सिंहले सर्वाधिक ९४ रन बनाएका थिए । त्यस्तै मुहमद सिहादतले ५५, मुहमद अमिरले २०, मुहमद वाफिकले १९, सिएद अजिजले १८ रनको योगदान गरेका थिए ।

त्यस्तै ओमानका कप्तान जिसन मक्सुदले चार विकेट लिए । १० ओभर बलिङ गरेका मक्सुदले ३५ रन खर्चिए । बिलाल खान र आयान खानले समान दुई विकेट लिँदा कलिमुल्लाहले एक विकेट हात पारे ।