तनहुँ । जिल्ला निर्वाचन आचारसंहिता अनुगमन समितिले गोविन्द भट्टराईलाई स्पष्टीकरण सोधेको छ ।

नेपाली कांग्रेसबाट तनहुँ-१ मा उम्मेदवार रहेका भट्टराईलाई आचारसंहिता उल्लंघन गरेको भन्दै स्पष्टीकरण सोधेको हो।

मौनअवधि सुरु भइसकेपछि मोबाइलबाट भ्वाइस म्यासेज पठाएर मत मागेको भन्दै उजुरी परेपछि स्पष्टीकरण सोधिएको समितिले जनाएको छ ।

भट्टराईले २४ घन्टाभित्र मुख्य निर्वाचन अधिकृतको कार्यालय दमौलीमा आफैं वा प्रतिनिधि मार्फद उपस्थित भएर स्पष्टीकरण दिन समितिले भनेको छ ।