पोखरा । गण्डकी प्रदेशका मुख्यमन्त्री खगराज अधिकारीले नेकपा एमालेलाई जनताले चिनेको र गल्ती गरे जनताले नै दण्डित गर्ने बताएका छन् ।

शनिबार गण्डकी प्रदेशसभामा विश्वासको माग माग्दै मुख्यमन्त्री अधिकारीले एमाले फल दिइरहने वृक्ष भएको बताएका हुन् ।

मुख्यमन्त्री अधिकारीले भने, ‘हाम्रो पार्टी नेकपा एमाले र सम्बद्ध हामी फल दिइरहने वृक्ष हौ, शीतलता पनि दिएका छौ, दिइरहने छौ । जनताले हामीलाई चिनेका छन् र गल्ती गरे दण्डित गर्छन् ।’

उनले सङ्घीयताको मर्मअनुसार नेपालको संविधानको सहज कार्यान्वयन गर्दै प्रदेशको समग्र विकास र सम्मृद्धितर्फ प्रयत्नरत आफू नेतृत्वको सरकालाई विश्वासको मत दिन आग्रह गरे ।

उनले सरकार निर्माण गर्दा जनाएको सहकार्यको प्रतिवद्धता कार्यान्वयन गर्न माओवादी केन्द्रसँग आग्रह गरेका छन् ।