काठमाडौं । राष्ट्रियसभाका अध्यक्ष गणेशप्रसाद तिमिल्सिनाले नेपालले रुससँगको सम्बन्धलाई महत्व दिँदै आएको बताएका छन्।

अध्यक्ष तिमिल्सिनाले रुसी अन्तराष्ट्रिय सम्बन्ध संस्थानमा विद्यार्थीहरुलाई सम्बोधन गर्दै नेपालले रुससँगको सम्बन्धलाई उत्कृष्ट तरिकाले महत्व दिँदै आएको बताएका हुन्।

उनले भने, ‘हामी रुससँगको हाम्रो सम्बन्धलाई उत्कृष्ट तरिकाले महत्व दिन्छौं। विकासोन्मुख देशका रुपमा नेपालका लागि रुससँगको सम्बन्ध सुदृढ गर्ने ठूलो अवसर छ।’

अध्यक्ष तिमिल्सिनाले छिमेकी चीन र भारतले हालै रुससँग आफ्नो व्यापारको मात्रा बढाएका चर्चा गर्दै नेपाल र रुसका बीचको व्यापार र रुसबाट नेपाल आउने पर्यटकको संख्या बढाउने उपायहरु पनि खोज्ने आशा व्यक्त गरे।

दुई ठूला एशियाली सभ्यताहरू बीचको भूमि सम्बन्धको कारणले गर्दा, नेपालले हिन्दू र बौद्ध दर्शन र संस्कृतिहरूको पालनाको द्रृष्टिले प्राचीन इतिहास बोकेको उनले बताए।