काठमाडौं । मदन भण्डारी फाउण्डेशनको अध्यक्षबाट उषाकिरण भण्डारीले राजीनामा दिएकी छिन् ।

आज (शुक्रबार) बसेको फाउण्डेशनको बैठकमा भण्डारीले व्यक्तिगत र घरायसी कारण बताउँदै राजीनामा दिएकी हुन् ।

मदन भण्डारीकी छोरी उषाकिरण विगत ७ वर्षदेखि फाउण्डेशनको नेतृत्वमा थिईन् ।

सोही बैठकमा अखिल नेपाल महिला संघका महासचिव निर्वाचित भएकी फाउण्डेशनकी सचिव पेम्बा लामाले पनि राजीनामा दिएकी छन् ।

यस्तै, फाउण्डेशनको अध्यक्षमा पूर्व परराष्ट्र मन्त्री महेन्द्रवहादुर पाण्डे चयन भएका छन् ।