काठमाडौं । एसीसी प्रिमियर कपमा ओमानविरूद्ध नेपालका लागि कुशल मल्लले अर्धसतक बनाएका छन्।

नेपाली ब्याट्सम्यानमाथि ओमानका बलरहरु हावी भइरहँदा क्रिजमा आएका कुशलले विष्फोटक ब्याटिङ गर्दै अर्धशतक बनाएका हुन् ।

कुशल क्रिजमा आउनुअघि नेपालले २०.३ ओभरमा ७२ रन मात्र जोड्दा अग्रपंतिका चार विकेट गुमाएको थियो ।

दबाबको अवस्थामा पनि उनले खुलेर ब्याटिङ गरेका उनले चौका र छक्काको वर्षा गर्दै ३० बलमै अर्धशतक पूरा गरेका हुन् । कुशलको ब्याटिङले ओमानका बलरहरु ब्याकफुटमा आएका छन् ।

नेपालले आजको म्याचमा निकै खराब सुरूवात गर्दै दुवै ओपनरलाई शून्यमा गुमाएको थियो । कुशल भुर्तेलले ८ बल र आसिफ शेखले १० बल खेल्दा कुनै रन बनाउन सकेनन् ।

३.४ ओभरमा नेपालले दुई रन मात्र जोड्दा दुवै ओपनर पेभिलियन फर्किएपछि भीम सार्की र कप्तान रोहित पौडेलले नेपालको ब्याटिङ सम्हाल्ने प्रयास गरेका थिए । उनीहरूबीच ५२ रनको साझेदारी भयो ।

तर, २३ रनको निजी स्कोमार रोहित र ३३ रनमा भीम आउट भएपछि नेपाल फेरि दबाबमा परेको थियो । छैटौं नम्बरमा कुशल ब्याटिङमा आएपछि म्याच सिनारियो फेरिएको हो । भरपर्दा ब्याट्सम्यान आरिफ शेख र कुशलले महत्वपूर्ण साझेदारी गर्दै नेपाललाई अघि बढाएका छन् ।