काठमाडौं । १६ वर्षीया किशोरीलाई बलात्कार गरेको आरोपमा दाङमा एकजना पक्राउ परेका छन् ।

तुलसीपुर उपमहानगरपालिका–१४ मा बस्दै आएका २१ वर्षीय दीपेन्द्र नेपालीलाई बुधबार दिउँसो प्रहरीले पक्राउ गरेको हो ।

नेपालीले किशोरीलाई यही वैशाख ४ गते राति तुलसीपुर–१३, फूलबारीमा लगी बलात्कार गरेको आरोप छ ।

सो सम्बन्धी उजुरीका आधारमा इलाका प्रहरी कार्यालय तुलसीपुरबाट खटिएको टोलीले उनलाई पक्राउ गरेको प्रहरीले जनाएको छ ।