काठमाडौं । राजधानीमा जारी एसीयन क्रिकेट काउन्सिल (एसीसी) प्रिमियर कपमा बहराइनले सिंगापुरलाई २ सय ८७ रनको लक्ष्य दिएको छ ।

टियु मैदानमा जारी खेलमा टस जितेर ब्याटिङ रोजेको बहराइनले ५० ओभरमा ८ विकेट गुमाएर २ सय ८६ रन बनायो।

बहराइनका लागि फियाज अहमदले ७९ र शाहबाज बदरले ७६ रन जोडे। फियाजले ४२ बलमा ५ चौका र १ छक्का प्रहार गर्दै अर्धशतक पूरा गरे।

बदरले भने ७६ बलमा ४ चौका १ छक्का प्रहार गरे।

बलिङतर्फ सिंगापुरका रमेश कलिमुथु, थिलिपन ओमाइदुराई र विनोथ बास्करणले समान २–२ विकेट लिए ।

त्यस्तै, मूलपानी क्रिकेट मैदानमा भएको समूह ‘ए’ को खेलमा साउदी अरबले मलेसियालाई १५४ रनको सामान्य लक्ष्य दिएको छ ।