काठमाडौं । त्रिवि क्रिकेट मैदान कीर्तिपुरमा जारी एसीसी प्रिमियर कपमा नेपालले दोस्रो विकेट गुमाएको छ।

मलेसियाविरुद्धको खेलमा ओपनर कुशल भुर्तेल ३८ रन बनाएर आउट भएका हुन्।

भुर्तेलले ३१ बलमा चार चौका र दुई छक्काको मद्दतमा ३८ रन बनाए। मलेसियाका लागि रिजवान हेडरले दोस्रो विकेट लिएका हुन्।

यसअघि नेपालले पहिलो ओभरमै अर्का ओपनर आसिफ शेखलाई गुमाएको थियो।

आशिफ ३ बलमा १ रन बनाउँदै पेबेलियन फर्किएका थिए। जवाफी ब्याटिङ गरेको नेपालले जितका लागि २३६ रनको लक्ष्य पाएको छ। अहिले क्रिजमा भीम सार्की र कप्तान रोहितकुमार पौडेल छन्।