काठमाडौं । एसीसी प्रिमियर कप अन्तर्गत मलेसियासँगको जारी खेलमा नेपालले पहिलो सफलता पाएको छ ।

मलेसियाविरुद्ध नेपालका लागि गुलशन झाले पहिलो विकेट लिएका हुन् । अमिर १८ बल खेल्दै ३ चौकाको मद्दतमा १७ रन बनाएर आउट भए ।

मलेसियाको क्रिजमा विरन्दीपसिंह र कप्तान अमद अफिज छन् । त्रिवि क्रिकेट मैदान कीर्तिपुरमा भइरहेको खेलमा मलेसियाले टस जितेर ब्याटिङ रोजेको थियो ।

रोहित पौडेलको कप्तानी रहेको नेपाली टोलीमा आज आशिफ शेख, दीपेन्द्रसिंह ऐरी, सोमपाल कामी, कुशल भुर्तेल, कुशल मल्ल, गुल्सन झा, सन्दीप लामिछाने, आरिफ शेख, भीम सार्की, ललित राजवंशी छन्।