काठमाडौं । इन्डियन प्रिमियर लिग (आईपीएल) मा चेन्नाई सुपर किंग्सले रोयल च्यालेन्जर्स बेंग्लोरविरुद्ध ८ रनको रोमाञ्चक जित निकालेको छ ।

सोमबार एमए चिदम्बरम रंगशालामा चेन्नाईले प्रस्तुत गरेको २२७ रनको लक्ष्य पछ्याउने क्रममा बेंग्लोरले निर्धारित २० ओभरमा आठ विकेट गुमाएर २१८ रनमात्र बनाउन सक्यो ।

त्यसअघि टस हारेपछि ब्याटिङमा निम्त्याइएको चेन्नाईले निर्धारित २० ओभरमा ६ विकेट गुमाएर २२६ रनको योगफल खडा गरेको थियो ।

जितसँगै पाँच खेलबाट ६ अंक जोेडेको चेन्नाई तालिकाको तेस्रो स्थानमा उक्लिएको छ । समान खेलबाट चार अंक जोडेको बेंग्लोर तालिकाको सातौं स्थानमा छ ।