Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
रुपन्देही । नेपाल प्रहरीको छाप दुरुपयोग गरी धन्दा चलाउने स्टेशनरी व्यवसायी पक्राउ परेका छन् ।
जिल्ला प्रहरी कार्यालय रुपन्देही अगाडी स्टेशनरी पसल गरेर प्रहरीकै छाप दुरुपयोग गरेको आरोपमा सिद्धार्थनगर नगरपालिका वडा नम्बर ८ बस्ने ४५ वर्षीय भान बहादुर अधिकारी पक्राउ परेका हुन् ।
पक्राउ परेका अधिकारीले प्रहरीको बदनाम हुने गरी झुट्टा विवरण दिएर प्रहरीविरुद्ध समाचार पनि प्रकाशन गराएको प्रहरीको आरोप छ ।
जिल्ला प्रहरी कार्यालय रुपन्देहीका प्रवक्ता श्याम अर्यालका अनुसार तीन महिना यता सामान्य प्रकृतिका निवेदनहरु प्रहरीको नागरिक कक्षबाटै निःशुल्क रुपमा लेखिने व्यवस्था गरिएको थियो ।
यसैको रिसिवी साधेर अभियुक्त अधिकारीले प्रहरीको बदनाम गराएको अर्यालको भनाई छ । सञ्चार माध्यममा समाचार आएपछि प्रहरीले सो समाचारबारे अनुसन्धान सुरु गरेको थियो ।
अधिकारीको पसलमा छापा मार्दा प्रहरीले जिल्ला प्रहरी कार्यालयको छाप पनि फेला पारेको छ । उनलाई सरकारी छाप किर्ते सम्बन्धी मुद्दामा अदालतमा पेस गरिएको प्रहरीले जनाएको छ ।
© 2026 All right reserved to onlinenepal.com
Design & Developed By
