काठमाडौं । काठमाडौंमा जारी सहिद स्मारक ‘ए’ डिभिजन लिग फुटबलमा फ्रेन्ड्स क्लबले फराकिलो जित निकालेको छ ।

सातदोबाटोस्थित एन्फा कम्प्लेक्समा सोमबार भएको खेलमा हिमालयन शेर्पा क्लबलाई ६-० गोल अन्तरले पराजित गर्दै फराकिलो जित निकालेको हो ।

फ्रेन्ड्सलाई जित दिलाउन राफिक अमिनुले दुई गोल गरे । त्यस्तै, अमित तामाङ, उत्तम राई, टोरिक जेब्रिन र अखरबेक उक्तामोभले एक एक गोल थपे ।

फ्रेन्ड्सले दोस्रो जितसँगै ८ अंक जोडेको छ भने हिमालयनले ९ अंक जोडेको छ ।