काठमाडौं । नेपालमा थप ६४ जनामा कोरोना संक्रमण पुष्टि भएको छ ।

पछिल्लो २४ घण्टामा ९५६ वटा स्वाब नमुनाको परीक्षण गरिएकामा थप ६४ जनामा कोरोना पुष्टि भएको हो ।

यो अवधिमा १५१ नमुनाको पीसीआर परीक्षण गर्दा २१ र ८०५ नमुनाको एन्टिजेन विधिबाट परीक्षण गर्दा ४३ जनामा संक्रमण देखिएको छ ।

यो अवधिमा देशभर ४५ जना निको भएका छन् । स्वास्थ्य तथा जनसंख्या मन्त्रालयका अनुसार हाल देशभर कोरोनाका सक्रिय संक्रमितको संख्या ३७७ रहेको छ ।