रूपन्देही । रूपन्देहीका एक युवाको खोलामा डुबेर मृत्यु भएको छ।

सिद्धार्थनगर नगरपालिका वडा नम्बर १ बेलहियाका ३० वर्षीय शिभम जैसवालको खोलामा डुबेर मृत्यु भएको हो ।

नयाँ वर्ष मनाउन गएका जैसवाल घुमघामको लागि शुक्रबार बिहान पाल्पाको तिनाउ गाउँपालिका वडा नम्बर ३ झुम्सास्थित भुतखोलामा पुगेका थिए।

साथीहरूसँगै घुम गएका जैसवाल बिहान साढे १० बजेतिर ढुंगामा चिप्लिएर पोखरीमा खसेका थिए।

जैसवालको पाल्पास्थित भुतखोलामा डुबेर मृत्यु भएको प्रहरी चौकी दोभानले जनाएको छ । पोखरीमा खस्नेबित्तिकै उनको उद्धार गरिएको थियो।

उनलाई उपचारका लागि बुटवलको लुम्बिनी प्रादेशिक अस्पताल ल्याउँदै गर्दा बाटोमा नै मृत्यु भएको प्रहरीले जनाएको छ।