काभ्रे । काभ्रेमा धारिलो हतियार प्रहार गरी छोराले आफ्नै आमाको हत्या गरेका छन् ।

बुधबार बिहान ११ बजे विष्णुबन्ध थापाले आफ्नी ९२ वर्षीया आमा कान्छीमाया थापाको हत्या गरेका हुन् ।

प्रहरीले हत्या आरोपमा पनौती नगरपालिका–११ का ५२ वर्षीय थापालाई पक्राउ गरेको छ ।

जिल्ला प्रहरी कार्यालय काभ्रेका अनुसार उनले आक्रोशमा आएर आमाको हत्या गरेको प्रारम्भिक अनुसन्धानबाट खुलेको छ । घटनाबारे थप अनुसन्धान भइरहेको प्रहरीले जनाएको छ ।