काठमाडौं । आगामी नयाँ कार्यसमितिको लागि भएको नेपाल उद्योग वाणिज्य महासंघको निवार्चनको मतदान सकिएको छ ।

निर्वाचन प्रतिनिधिका अनुसार एक वरिष्ठ उपाध्यक्षसहित ५९ पदाधिकारी चयन गर्न आज भएको मतदानमा सतप्रतिशत मत खसेको छ ।

कमलादीस्थित नेपाल प्रज्ञा प्रतिष्ठानमा बिहान १० देखि साँझ ६ बजेसम्म मतदान भएको हो । मतगणना भने राति ८ बजेबाट सुरु हुनेछ ।

निर्वाचनबाट एक वरिष्ठ उपाध्यक्ष, तीन उपाध्यक्ष र सात प्रदेशबाट सात, उद्योग वाणिज्य संघबाट १८, वस्तुगत संघबाट १४, एसोसिएटबाट १९, द्विराष्ट्रिय उद्योग वाणिज्य संघबाट एक र संस्थापक सदस्य समूहबाट एकजना कार्यसमिति सदस्य निर्वाचित हुनेछन् ।