काठमाडौं । बागमती प्रदेश सरकारले मंगलबार रेवती सापकोटालाई प्रदेशको सञ्चार रजिष्ट्रारमा दोस्रो पटकका लागि नियुक्ति दिएको छ।
सापकोटालाई मंगलबार बसेको मन्त्रिपरिषद् बैठकले प्रदेश रजिस्ट्रारमा नियुक्त गरेको हो ।
मन्त्रीपरिषदले आज प्रदेश चिठ्ठा सम्बन्धमा ब्यवस्था गर्न बनेको विधेयक स्वीकृत गरेको छ । उक्त विधेयक प्रदेश सभामा पनि पेस गर्न स्वीकृत प्रदान गरिएको छ ।
त्यस्तै, प्रदेश सञ्चार माध्यम व्यवस्थापन (चौथो संशोधन) नियमावली स्वीकृत गरेको छ।