काठमाडौं । काठमाडौंमा जारी सहिद स्मारक ‘ए’ डिभिजन लिग फुटबलमा विभागीय टोली नेपाल पुलिस क्लबले पहिलो जित निकालेको छ।

सातदोबाटोस्थित एन्फा कम्प्लेक्समा सोमबार फ्रेन्ड्स क्लबलाई ३-१ गोल अन्तरले हराउँदै पुलिसले पहिलो जित निकालेको हो ।

पुलिसको जितमा बुद्धबल तामाङले दुई र विदेशी खेलाडी मोजेजले एक गोल गरे ।

फ्रेन्ड्सका टोरिक जेब्रिनले एक गोल फर्काए ।

जितसँगै पुलिसले ७ खेलबाट ४ अंक जोडेको छ भने फ्रेण्ड्सको पनि ७ खेलबाट ४ अंक नै छ ।