काठमाडौं । नेकपा एमालेका अध्यक्ष केपी शर्मा ओली नेपालगन्ज पुगेका छन्।

पार्टी निकट युवाहरूको संगठन राष्ट्रिय युवा संघ नेपालको नवौँ महाधिवेशन उद्घाटन ओलीसहित एमाले शीर्ष नेताहरू नेपालगन्ज पुगेका हुन्।

ओलीसहित उपाध्यक्ष विष्णु पौडेल, भानुभक्त ढकाललगायतका नेताहरूलाई विमानस्थलमा एमालेका पोलिटब्युरो सदस्य एव राष्ट्रिय युवा संघ नेपालका इन्चार्ज महेश बस्नेत, राष्ट्रिय युवा संघ नेपालका अध्यक्ष किरण पौडेललगायतले स्वागत गरेका छन्।

युवा संघको महाधिवेशन आजदेखि २९ गतेसम्म चल्ने जनाइएको छ।