काठमाडौं । सहिद स्मारक ’ए’ डिभिजन लिग फुटबलमा साविक विजेता मछिन्द्र फुटबल क्लबले दोस्रो जित निकालेको छ।

आइतबार त्रिपुरेश्वरस्थित दशरथ रंगशालामा संकटा क्लबलाई २–१ गोल अन्तरले हराउँदै मछिन्द्रले दोस्रो जित निकालेको हो।

मछिन्द्रको जितमा विमल घर्ति मगर र आफिज ओलावालेले एक एक गोल गरे ।

संकटाका लागि मनिष डाँगीले एक गोल फर्काए ।

जितसँगै मछिन्द्र तिन स्थान सुधार गर्दै अंक तालिकाको सातौँ स्थानमा पुगेको छ भने संकटा समान ९ अंकका साथ आठौं स्थानमा झरेको छ ।